வழக்கமாய் வைக்கும்
நெற்றிப் பொட்டின் வடிவ மாற்றம்
அன்றாடம் பயணிக்கும் பாதைக்கான
புதிய வழித்தேடல்
எதிர்ப்படும் வாகனத்தில்
சிறு குழந்தையின் கை அசைப்பு
தோழமையின் நேசத்தோடு வந்து விழும்
ஒற்றைக் குறுஞ்செய்தி
வழிபோக்கில் காணக் கிடைத்திட்ட
பசுவிற்கும் கொக்கிற்குமான நட்பு
தொலைவில் ஒலிக்கும்
விருப்பப் பாடலின் ஒலிக்கீற்று
இதில் ஏதேனும் ஒன்று
போதுமாய் இருக்கிறது
இயந்திரத்தனமான வேலை நாளொன்றை
இலகுவான மனநிலையோடு
இனிதாய்க் கழித்திட....
த.ஜீவலட்சுமி
ஆம்;புறத்தின் நிகழ்வில்தான் நம் மனம் பதனப்படுகிறது
பதிலளிநீக்குNandrithozar!
பதிலளிநீக்கு